ന്യൂഡല്ഹി: രാജ്യ വിരുദ്ധ പ്രചാരണങ്ങള് നടത്തിയ 22 യുട്യൂബ് ചാനലുകളെ വിലക്കി കേന്ദ്ര സര്ക്കാര്. ഇവയില് നാലെണ്ണം പാകിസ്ഥാന് ആസ്ഥാനമായി പ്രവര്ത്തിക്കുന്ന യുട്യൂബ് വാര്ത്താ ചാനലുകളാണ്.
യൂട്യൂബ് ചാനലുകള് കൂടാതെ മൂന്ന് ട്വിറ്റര് അക്കൗണ്ടുകള്, ഒരു ഫെയ്സ്ബുക്ക് അക്കൗണ്ട്, ഒരു വാര്ത്താ വെബ്സൈറ്റ് എന്നിവയും നിരോധിച്ചിട്ടുണ്ട്.
ഇന്ത്യയുടെ ദേശീയ സുരക്ഷ, വിദേശ ബന്ധം എന്നിവയെ ബാധിക്കുന്ന വിവരങ്ങളാണ് ഈ ചാനലുകള് വഴി പ്രചരിപ്പിച്ചതെന്ന് വാര്ത്താവിതരണ പ്രക്ഷേപണ മന്ത്രാലയം വ്യക്തമാക്കി. ഇന്ത്യന് സൈന്യം, ജമ്മു കശ്മീര് എന്നിവിയടക്കമുള്ള വിഷയങ്ങളില് തെറ്റായ വാര്ത്തകള് പ്രചരിപ്പിച്ചതായി കണ്ടെത്തിയെന്നും മന്ത്രായലം ചൂണ്ടിക്കാട്ടി. ഇവയുടെ എല്ലാം നിയന്ത്രണങ്ങള് പാകിസ്ഥാനില് നിന്നാണെന്നും റിപ്പോര്ട്ടില് പറയുന്നു.
യുക്രൈനിലെ നിലവിലെ സാഹചര്യം സംബന്ധിച്ചും ഇത്തരം ചാനലുകള് തെറ്റിദ്ധാരണാ ജനകമായ ഉള്ളടക്കമാണ് പ്രചരിപ്പിച്ചിരുന്നത്. ഇത് ഇന്ത്യയുടെ വിദേശ രാജ്യങ്ങളുമായുള്ള ബന്ധത്തെ അപകടത്തിലാക്കാന് ലക്ഷ്യമിട്ടുള്ളതാണെന്നും മന്ത്രാലയം വ്യക്തമാക്കി.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
